البحث ده هيكون إن شاء الله أول خطوة جدية في طريق مشروع الصيف
البحث ده مش بالصورة الي عملنا بيها أبحاث قبل كده لأ ده مطلوب صفحة أو صفحتين ة البحث ده المفروض نعمله قبل كل مشروع
هنتكلم بقى ليه نعمل البحث ده .علشان المشرف يقتنع بالمشروع بتاعك يعني ليه عملت المشروع ده و غيره لأ .يعني زي مقدمة صغيرة عن أسباب إختيارك المشروع و مشروعك ده مفيد و نافع للمجتمع ولا لأ
عايزين نتفق على أساسيات في الأبحاث كلها بقى إن شاء الله
المشروع الي هتعمله ده مش مجرد تسلية في الصيف و خلاص عايزين نعمل حاجة مفيدة فعلا للناس علشان المشروع يقدر الناس تشتغل عليه بعد كده و نقدر نقدمه للتنفيذ .يعني حاجة الناس محتاجهة فعلا
مطلوب مننا 4 أو 3 أبحاث البحث يتكون من مقدمة للمشروع و اسباب أختيارك ليه و معلومات عن فائدته للمجتمع و كمان يفضل تدعيمه بخرائط مساحية لتوضيح الموقع المناسب ليه و توجيه الموقع و الجيران
الدكتور ياسر فضل إن إحنا نتوجه عن طريق إحتياجات الناس في مجالات مختلفة
1-صحية و خدمية
2-تعليمية
3-ثقافية أو غيره
و كمان من الأشياء العايزين نركز عليها إن المشروع يناسب المكان يعني المشروع يناسب طنطا
أنا رأي إن كلنا نشترك في عمل ملخص عن مدينة طنطا من حيث عدة جوانب :- تاريخية و بيئية و جغرافية
بعد كده نتقسم 4 مجموعات مثلا لعمل البحث و بعد ما هنخلص الموضوع ده هنقابل دكتور ياسر علشان نشوف أحسن مشروع نضع ليه برنامج و نبدأ الشغل الجدي و موضوع البرنامج ده سهل دكتور ياسر هيحدد العناصر المناسبة لمستوانا
كل الأسماء الي إتقدمتلي راحت للدكتور خلاص و لسه الناس قدامها فرصة لحد أخر يو في الإمتحنات أو حتى السبت القادم
عايز بقى أعرف رأيكم و كل واحد يقول الميعاد الي شايفه مناسب لتسليم البحث الي من صفحتين فقط و لكن هو قلب المشروع و غايته